Mæltu heilastur

Stundum er talað um að við íslendingar höfum einstakt lag á að eyðileggja okkar náttúruauðlindir og nú síðast heyrði ég eitthvað á þeim nótum frá umhverfisráðherra Íslands.  Eitthvað kann að vera satt í þessu, en við eigum þó enn fiskimiðin okkar, okkar dýrustu eign.  Sumar aðrar þjóðir eru búnar að eyðileggja sín fiskimið fyrir löngu.  Í Kanada og Bandaríkjunum eru sumir fiskistofnar alveg búnir að vera og þó ættu þær þjóðir að vera betur í stakk búnar til þess að passa upp á sitt, enda mun meiri breidd í auðlindum þessara þjóða.  Fiskimiðin eru ómetanleg lífæð okkar og yfirráðin verða að vera í okkar höndum.  Aðild að Evrópusambandinu verður upphaf að endalokum þessarar auðlindar.  Ef Samfylkingin fær sínu framgengt mun þeim takast að eyðileggja bæði sjávarauðlindir og íslenskan landbúnað. 

Nei takk! 

Lykilorusta um ESB-aðild háð á landsfundi Sjálfstæðisflokksins

Athugasemdir

[Thor Svensson (IP-tala skráð) 1.12.2008 kl. 18:58]

Hmmm... nú er fiskur ekki beint auðlind þar sem við eigum ekkert í honum. En ég skil þínar áhyggjur. Ég er einnig smeykur við þetta þó ég sé almennt fylgjandi ESB aðild. Þetta er bara ekki tímabær umræða. Þessi smjörklípa sjálfstæðisflokksins er því miður að eyðileggja samstöðu fólks í að krefjast spillingar og landráðaliðið burt.

[Eggert J. Eiríksson, 1.12.2008 kl. 20:14]

Afsakið en ég verð að koma með komment á komment hérna..

Þetta er mjög algeng skoðun hjá fólki virðist vera að "við eigum ekki fiskinn" en ég tel það alrangt, enn sem komið eru það þó íslendingar sem "eiga" fiskinn eða "veiðiréttinn" (má svo sem deila um það endalaust) en það er ekki útlendingar, og það eru íslendingar sem veiða hann að mestu hér við land. Ég held að það séu meira að segja reglur til án þess þó að vera viss um það, að útlendingum sé bannað að eiga sjávarútvegsfyrirtæki og eða kvóta hérlendis.

EFvið setjum okkur í vald Brussel þá eru fiskimiðin okkar ónýt eftir ár eða tvö, þeir munu koma hérna með slíka risatogara að fæstir íslendingar hafa séð annað eins og ryksuga miðin okkar steindauð.

Ég óttast að þeir færu með puttana í raforkuna líka, og hver veit nema það sé eitthvað til í Drekasvæðis draum Össurar, sá draumur yrði að litlu fyrir okkar þjóð undir ESB.

Kv EJE

[Hans (IP-tala skráð) 1.12.2008 kl. 20:48]

Mikið er furðulegt hvernig þessi mál eru rædd og hvernig "miklir spekingar" þykjast geta spáð í splin. Eyðileggja sjávarauðlindir og landbúnað?? Hafið þið komið á staði eins og Seyðisfjörð síðastliðin 15 ár? Hvað hefur eyðilegt hvað? Landbúnaðurinn úreltist að miklu leyti vegna breytingar á neyslumynstri en svo sjá líka þeir sem vilja að umgjörð og kvótakerfi landbúnaðarins hefur ekki verið gæfulegt með tilheyrandi spillingu, taumlausri græðgi milliliða í skjóli reglugerða og já, gríðarlegs innflutings. Ég er ekki hlynntur ESB aðild, uppalinn í sveit og vanur vinnu í sjávarplássum. En nú er svo komið að leita þarf allra leiða út úr aðsteðjandi vanda. Hvílíkt og annað eins að heyra yfirlýsingar eins og þær að ESB aðild verði háð í lykilorustu á landþingi sjálfstæðiflokksins??? Það hlýtur að verða byrjað á aðildarviðræðum sem að sjálfsögðu eru ekki bindandi. Haldið þið að Bretar hafi afhent gullforða sinn eins og hann lagði sig til Brussel þegar þeir gengu til aðildar?? Kannski það verði bara ESB sem bindur enda á spillingu, misskiptingu og hrossakaup í íslensku hagkerfi og taki bara til í sjávar- og landbúnaði. Ég held að fólk ætti að krefjast vandaðri vinnubragða af sitjandi stjórnvöldum og ganga sjálft fram með fordæmi þess sem veður ekki fram í fljótfærni. Nú þarf að skoða öll mál af yfirvegum og hlutlægni. Hættum að tala um ESB aðild. Byrjum fyrst á að ákveða aðildar viðræður.

[Smjerjarmur, 1.12.2008 kl. 23:55]

Hans, það er mikið til í því sem þú segir.  Ég hef komið á Seyðisfjörð oaf og til á síðast liðnum árum og á ættingja þar.  Þeir eru með blómlegt menningarlíf, en ekki mikinn landbúnað.  Svo er minni síld en var á blómatímanum í kring um 1960.  Annars að öllu gamni slepptu finnst mér að við getum ekki útilokað neitt, en það þarf mikið til þess að sannfæra mig um ágæti ESB aðildar.  Varðandi Breta þá efast ég um að þeir hafi afhent Evrópusambandinu neitt. 

[Hans (IP-tala skráð) 2.12.2008 kl. 04:22]

Já eins og komið er finnst mér einmitt að ekki eigi að útiloka neitt, og það eru atburðir liðinna vikna sem hafa gert það að verkum að ég horfi til ESB á annan hátt en áður. Fólk talar um sjálfstæði og fullveldi sem glatast á einhvern hátt við slíka aðild. Nú er íslenska þjóðin á fjórum fótum, ljótt að segja en satt, og verið að grenja út aura hvar sem möguleiki er, til þess að geta haldið áfram hreinlega að vera til á nútíma mælikvarða. Hvílíkt sjálfstæði, ha? Já ég tek ofan af fyrir fólki eins og fyrir austan sem viðheldur blómlegu mannlífi og berst áfram í gegnum mótlæti. Þó er leitt að sjá unga fólkið fara burt í leit að tækifærum, en vel skiljanlegt. Ef ég man rétt, þá fyrir ekki alls löngu hafði aðeins einn stór bátur kvóta fyrir bolfisk sem færður var að landi á Seyðisfirði. Það skyldi þó ekki fara bara að berast meiri fiskur að landi aftur á stöðum eins og þessum, einmitt með ESB aðild? Kannski væri bara rétt að fara að endurskilgreina orðið sjálfstæði?